لاہور: پاکستان نے ایک بار پھر سے یونیسیف کی فہرست میں اول پوزیشن حاصل کرلی، اس بار جنوبی ایشاء میں سب سے زیادہ نوازئیدہ بچوں کی شرح اموات کی وجہ سے پاکستان پہلے نمبر پر ہے۔
یونیسیف نے انکشافات سے بھرپور ساؤتھ ایشین ہیلتھ ایٹلس رپورٹ جاری کر دی ہے، جس کے مطابق جنوبی ایشاء میں سب سے زیادہ نوازئیدہ بچوں کی شرح اموات کی وجہ سے پاکستان پہلے نمبر پرآ گیا۔
رپورٹ کے مطابق سال 2015میں جنوبی ایشاء میں 28دن کے 10لاکھ نوازئیدہ بچے ہلاک ہوگئے، بھارت میں سب سے زیادہ سات لاکھ بچے ہلاک ہوئے جبکہ شرح اموات کے لحاظ سے پاکستان کی پہلی پوزیشن ہے، جہاں ایک ہزار میں سے 46بچے مر جاتے ہیں۔
سال 2015میں 28دن کے 2لاکھ 44ہزار 746 بچے اپنی جان کی بازی ہار گئے، پاکستان میں 14لاکھ 24ہزار651بچے حفاظتی ٹیکوں اور قطروں سے محروم رہے۔
مزید پڑھیں : ایشیا میں شیر خوار بچوں کی شرح اموات میں خطرناک اضافہ
رپورٹ میں یہ بھی بتایا گیا ہے کہ پاکستان کی موجودہ صورتحال میں بچوں کی شرح اموات میں کمی واقع نہیں ہوگی۔
اسی طرح جنوبی ایشیا میں 50لاکھ بچوں حفاظتی قطروں اور ٹیکے لگوانے سے محروم رہے ان میں سے پاکستان دوسرے نمبر ہے۔
