کراچی: حیدرآباد کے مختلف علاقوں میں نامعلوم افراد سرگرم ہوگئے، بانی ایم کیوایم کی سالگرہ سے پہلے مبارکباد کے بینرز لگادیئے، جس کو انتظامیہ نے ہٹا دیا ہے۔
حیدرآباد میں بھی نامعلوم افراد سرگرم ہوگئے شہر میں بانی ایم کیوایم کے حق میں بینر لگا دیئے گئے، بانی ایم کیو ایم کی سالگرہ سے دو روز پہلے نامعلوم افراد نے مختلف علاقوں میں وال چاکنگ کی اور بینرز لگائے، جس پر بلدیہ حیدرآباد نے کارروائی کرتے ہوئے بینر اتار دیے اور وال چاکنگ مٹادی۔
نامعلوم افراد نے سکھر میں بھی اس طرح کی وال چاکنگ کی گئی تھی جس کو مٹادیا گیا تھا، اس سے پہلے نامعلوم افراد نے کراچی میں سپریم کورٹ کی عمارت کے باہر بھی بانی ایم کیوایم کے حق میں بینر لگائے تھے۔
کراچی میں بانی متحدہ کے حق میں اورفاروق ستارکیخلاف بینرز آویزا
چند روز قبل بھی کراچی میں سندھ ہائی کورٹ کی بلڈنگ کی اطراف اچانک نامعلوم افراد کی جانب سے بینرزآویزاں کردیے گئے تھے بینرزپرجو”قائد کاغدارہے وہ موت کا حق دارہے” تحریرتھا۔
بینرز لگنے کی اطلاع ملتے ہی پولیس موقع پر پہنچ گئی تھی اور بینرز کو اتار کراپنے ہمراہ لے گئی تھی تاہم یہ معلوم نہ ہو سکا کہ یہ بینرز کس نے لگائے تھے۔
