ظاہر پیر: پنجاب میں ڈکیتوں نے واردات کا انوکھا طریقہ اپنایا اور پٹرول پمپ منیجر سے لاکھوں روپے چھین کر فرار ہوگئے، پولیس نے ملزمان کی گرفتاری کے لیے چھاپے مارنا شروع کردیے۔
تفصیلات کے مطابق پنجاب کے شہر ظاہر پیر میں 2موٹر سائیکل سواروں نے پٹرول پمپ منیجر کی آنکھوں میں مرچیں ڈالیں اور 13 لاکھ روپے لوٹ کر فرار ہوگئے، آنکھوں میں مرچیں جانے سے شہری کی حالت غیر ہوگئی۔
پولیس کا کہنا ہے کہ واردات بائی پاس ظاہر پیر کے قریب ہوئی، 2موٹرسائیکل سواروں نے آنکھوں میں مرچیں ڈال کرواردات کی، پولیس نے ڈاکوؤں کی گرفتاری کے لیے مختلف جگہوں پر ناکے لگا دیے۔
پولیس نے امید ظاہر کی ہے کہ جلد ملزمان کی گرفتاری عمل میں لائی جائے گی۔
خیال رہے کہ لاکھوں روپے چھیننے کے لیے چوروں نے منفرد طریقہ اپنایا، عمومی طور پر ڈکیت پستول کے زور پر شہریوں کو لوٹتے ہیں، تاہم پولیس نے تحقیقات کا آغاز کردیا ہے جلد ڈکیتی میں ملوث افراد قانون کی گرفت میں ہوں گے۔