The news is by your side.

خاتون صحافی کی رپورٹنگ کا انوکھا انداز، دلچسپ ویڈیو وائرل

آپ نے فلموں میں خواتین کو رقص کرتے ضرور دیکھا ہوگا لیکن سوشل میڈیا پر ان دنوں ویڈیو وائرل ہوئی ہے جس میں خاتون صحافی رقص کے انداز میں رپورٹنگ کررہی ہے۔

یہ ویڈیو ہے ایک بھارتی نجی ٹی وی چینل کی خاتون صحافی کی جو روس یوکرین جنگ کے دوران روسی بحری جہاز کے تباہ ہونے کی خبر اپنے ناظرین کو اچھلتے کودتے اور رقص کے انداز میں دے رہی ہے اور لگ نہیں رہا کہ مذکورہ خاتون رپورٹ کسی سنجیدہ اور سنگین مسئلے کو رپورٹ کررہی ہے۔

 

سماجی رابطوں کی سائٹ ٹویٹر پر خاتون صحافی کی یوکرین جنگ کے دوران روسی بحری جہاز کے تباہ ہوجانے کی خبر رقص اور اچھل کود کے دوران مزاحیہ انداز میں دینے کی ویڈیو تیزی سے مقبول ہورہی ہے جس پر صارفین ان کے انداز پر حیرت کا اظہار کررہے ہیں جبکہ کچھ انہیں تنقید کا نشانہ بھی بنارہے ہیں۔

سوشل میڈیا پر وائرل ہونے والی اس ویڈیو میں خاتون رپورٹر ہندی زبان میں یوکرین سے یہ خبر دے رہی ہیں کہ روس نے یوکرین کا دورہ کرنے والے برطانوی وزیراعظم بورس جانسن پر پابندی عائد کردی ہے۔

اس خبر کو دنیا کے تمام ہی چھوٹے بڑے میڈیا آؤٹ لیٹس نے رپورٹ کیا مگر کسی نے بھی اس معاملے کو ایسے رپورٹ نہیں کیا جیسے بھارت کی خاتون رپورٹر نے کیا۔ وائرل ویڈیو میں دیکھا جاسکتا ہے کہ خاتون سنجیدہ معاملے پر رقص کرتے ہوئے مزاحیہ انداز سے رپورٹ کررہی ہیں۔

 

خاتون صحافی نے اس انداز سے پہلی بار رپورٹنگ نہیں کی ان کا ٹوئٹر پروفائل دیکھیں  تو کبھی وہ کسی تباہ شدہ جنگی ٹینک کے اوپر کھڑی نظر آرہی ہیں تو کبھی تباہ شدہ عمارتوں کے ہمراہ تصویر بنوارہی ہیں۔ خاتون رپورٹر کو اپنے منفرد انداز کے سبب سوشل میڈیا پر طنز و مزاح پر مبنی تبصروں کا  سامنا  کرنا پڑ رہا ہے جب کہ  کئی صارفین نے انہیں ڈانسنگ رپورٹر کے لقب سے بھی نوازا۔

 

واضح رہے کہ گزشتہ دو ماہ سے جاری روس اور یوکرین کے مابین جنگ میں اب تک 46 ہزار سے زائد اموات ہوچکی ہیں اور ایک کروڑ 20 لاکھ سے زائد افراد نقل مکانی پر مجبور ہوچکے ہیں۔

Comments

یہ بھی پڑھیں