کراچی : یونائیٹڈ بینک لمیٹڈ (یو بی ایل) نے ایکسچینج کمپنی قائم کرنے کا اعلان کردیا، بورڈ آف ڈائریکٹرز نے اجلاس میں اہم فیصلوں کی منظوری دے دی۔
ایکسچینج کمپنی کے ذریعے عوام غیر ملکی کرنسی کی خرید و فروخت باآسانی کرسکیں گے، ملک میں بی کیٹیگری کی ایکسچینج کمپنیوں پر پابندی کے بعد بینکوں نے ایکسچینج کمپنیاں بنانا شروع کردیں۔
اس حوالے سے ذرائع کا کہنا ہے کہ یوبی ایل کی منی ایکسچینج کمپنی کا ادا شدہ سرمایہ1 ارب روپے ہوگا، اسٹیٹ بینک نے حال ہی میں بینکوں کو ایکسچینج کمپنیز قائم کرنے کی اجازت دی ہے۔
یو بی ایل نے برطانیہ میں رجسٹرڈ بینک میں اپنا شیئر بھی فروخت کرنے کا فیصلہ کیا ہے، یونائیٹڈ نیشنل بینک یوکے میں55فیصد شیئرز بیسٹ وے گروپ خریدے گا۔
یوبی ایل بورڈ آف ڈائریکٹرز کے اجلاس میں دونوں اہم فیصلوں کی منظوری دے دی گئی ہے، یو بی ایل نے لندن اور پاکستان اسٹاک ایکسچینج کو اہم فیصلوں سے متعلق خط جاری کردیا۔
