نیویارک : اقوام متحدہ نےوزیراعظم نوازشریف کے پاک افغان سرحد دوبارہ کھولنےسےمتعلق فیصلےکاخیر مقدم کیا ہے۔
تفصیلات کےمطابق اقوام متحدہ کے سیکریٹری جنرل کےنائب ترجمان فرحان حق نے نیویارک میں بریفنگ کے دوران پاکستان کی جانب سے پاک افغان بارڈر کو دوبارہ کھولنے کے فیصلےکا خیرمقدم کیا
اقوام متحدہ کےترجمان فرحان حق نےکہاکہ کہ اس فیصلے کے بعد دونوں ملکوں کے عوام آزادانہ طورپر سرحد پار کرسکیں گے۔
خیال رہےکہ پاک افغان سرحد بتیس روز بعد کھول دی گئی،جس پرشہریوں اور تاجروں نے خوشی کا اظہار کیا ہے۔
ایف سی حکام کےمطابق کسٹم ہاؤس کی سرگرمیاں بحال ہوگئی ہیں اور مال بردار ٹرکوں کی بڑی تعداد کلیئرنگ کے بعد روانہ کی جارہی ہے۔
مزید پڑھیں: پاک افغان سرحد32 روز کی بندش کے بعد کھول دی گئی
یاد رہےکہ گذشتہ روز وزیراعظم پاکستان نواز شریف نے پاکستان اور افغانستان سرحد کو فوری طور پر کھولنے کے احکامات جاری کرتے ہوئے کہا تھاکہ دونوں ممالک کے درمیان صدیوں کے مذہبی، ثقافتی اور تاریخی رابطے اور تعلق کے پیش نظر،سرحدوں کا زیادہ دیر تک بند رہنا عوامی اور معاشی مفادات کے منافی ہے۔
مزید پڑھیں:وزیراعظم کے پاک افغان سرحد فوری طور پر کھولنے کے احکامات جاری
واضح وزیراعظم ہاؤس سے جاری ہونے والے بیان کے مطابق وزیراعظم نےسرحد کھولنے کا فیصلہ افغان اپیلوں اور جذبہ خیر سگالی کے تحت کیاتھا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں