The news is by your side.

Advertisement

یونیورسٹی آف ہیلتھ سائنسزکےزیراہتمام انٹری ٹیسٹ 29 اکتوبرکوہوگا

لاہور: یونیورسٹی آف ہیلتھ سائنسز کے زیر اہتمام میڈیکل کالجز میں داخلوں کے لیے انٹری ٹیسٹ 29 اکتوبر کو ہوگا،65 ہزار امیدوار انٹری ٹیسٹ دیں گے۔

تفصیلات کے مطابق یونیورسٹی آف ہیلتھ سائنسز کے زیر اہتمام میڈیکل کالجز میں داخلوں کے لیے انٹری ٹیسٹ 29 اکتوبر کو ہوگا، انٹری ٹیسٹ میں 65 ہزار امیدوار 5500 نشستوں کے لیے امتحان دیں گے جن میں 41 ہزارطالبات جبکہ 24 ہزارطلبہ شامل ہیں۔

طلبہ ایم بی بی ایس کی 3405 جبکہ بی ڈی ایس216 نشستوں کے لیے ٹیسٹ دیں گے، 21 نجی کالجوں میں ایم بی بی ایس کی 2590 ،بی ڈی ایس کی 555 نشستوں پرٹیسٹ ہوگا۔

یونیورسٹی آف ہیلتھ سائنسز نے انٹری ٹیسٹ کے لیے13 شہروں میں 28 امتحانی مراکز کا انتظام کیا ہے جن میں 5500 نگران جبکہ ایک ہزار سپرنٹنڈنٹس ڈیوٹی دیں گے۔

انٹری ٹیسٹ کے لیے لاہور،سیالکوٹ، فیصل آباد، رحیم یار خان اور ملتان میں سرگودھا، گجرات، راولپنڈی، گوجرانوالہ، ڈی جی خان اورحسن آباد میں مراکزبنائے جائیں گے۔


میڈیکل انٹری ٹیسٹ کا پرچہ آؤٹ کرنے والا ملزم گرفتار


خیال رہے کہ آج صبح پنجاب کے میڈیکل کالجزمیں داخلوں کے لیے ہونے والے انٹری ٹیسٹ کا پرچہ آؤٹ کرنے والے ملزم راؤ بلال کو ملتان ایئرپورٹ سے گرفتارکیا گیا۔

ایف آئی اے حکام کے مطابق ملزم راؤ بلال نجی ایئرلائن کی پروازسے قطرفرارہونے کی کوشش کررہا تھا،ملزم کو ابتدائی تفتیش کے بعد لاہورمنتقل کردیا گیا ہے۔


عدالت کا پنجاب کے میڈیکل کالجزکودوبارہ انٹری ٹیسٹ لینےکا حکم


یاد رہے کہ گزشتہ روزلاہور ہائی کورٹ نے پنجاب کے میڈیکل کالجزمیں داخلوں کے لیے ہونے والے انٹری ٹیسٹ کو کالعدم قرار دیتے ہوئے ٹیسٹ کے نتائج مسترد کردیے تھے۔

واضح رہے کہ وزیراعلیٰ پنجاب شہبازشریف نے یونیورسٹی آف ہیلتھ سائنسز کے زیراہتمام 20 اگست کو منعقد کیے گئے انٹری ٹیسٹ کا پرچہ آؤٹ ہونے پر تفتیشی ٹیم چیف سیکریٹری کی سربراہی میں تشکیل دی تھی۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email

Comments

comments

یہ بھی پڑھیں