site
stats
Uncategorized

جامعہ کراچی ، سیمسٹر معمول کے مطابق کرنے کا اعلان

کراچی : جامعہ کراچی انتظامیہ نے سیمسٹر امتحانات کے ملتوی کرنے کے اعلان کے فوری بعد معمول کے مطابق امتحانات کے انعقاد کا اعلان کردیا۔

تفصیلات کے مطابق جامعہ کراچی کے ترجمان نے شہر قائد کی موجودہ صورتحال کے پیش نظر پہلے کل بروز پیر سیمسٹر امتحانات ملتوی کرنے کا اعلان کیا۔

ترجمان کا مزید کہنا تھا کہ ملتوی کئے گئے امتحانات کی نئی تاریخوں کا اعلان بہت جلد کردیا جائے گا لیکن اس کے دس منٹ بعد ہی ترجمان جامعہ کراچی نے وائس چانسلر کا حوالہ دیتے ہوئے کہا کہ کل سیمسٹر معمول کے مطابق ہونگے، جس پر ہزاروں طلباء وطالبات تذبذب کا شکار ہوگئے۔

یاد رہے کہ اس حوالے سے ایک طالب علم نے اے آر وائی نیوز سے گفتگو کرتے ہوئے کہا کہ پہلے جامعہ کراچی کے ترجمان نے کل ہونے والے سیمسٹر امتحانات ملتوی کرنے کا بتایا تھا۔

جامعہ کراچی کی انتظامیہ نے غیر معمولی حالات میں عین وقت پر سیمسٹر امتحانات ملتوی اور یونیورسٹی بند کرنے کا اعلان کیا، محض دس منٹ بعد ہی ترجمان جامعہ کراچی کی جانب سے وائس چانسلر کا حوالہ دیتے ہوئے کہا گیا کہ کل سیمسٹر معمول کے مطابق ہونگے۔


جامعہ کراچی/پنجاب یونیورسٹی کےتحت کل ہونےوالےامتحانات ملتوی


واضح رہے کہ کل جامعہ کراچی میں سیمسٹرامتحانات ہونگے یا نہیں صورتحال واضح نہ ہونے سے ہزاروں طالب علموں کو مشکلات کا سامنا کرنا پڑ رہا ہے۔

جامعہ کراچی کے انتظامیہ کے اس طرح کے غیر منصفانہ فیصلوں کے باعث ہزاروں طلباء وطالبات پریشانی میں مبتلا ہوگئے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top