لندن: پاکستانی عدالتوں میں اپنے آپ کو بیمار ظاہر کرنے والے سابق وفاقی وزیرخزانہ اسحاق ڈار کلثوم نواز کی عیادت کے بعد میڈیا سے بچ کر بھاگنے میں ناکام رہے۔
تفصیلات کے مطابق گذشتہ روز لندن میں نواز شریف نے میڈیا سے گفتگو شروع کی تو پاکستانی عدالتوں میں بیماری کا بہانہ کرنے والے اسحاق ڈار نے اسی موقع کو غنیمت جانا اور وہاں سے فرار ہونے کی کوشش کی۔
خاموشی سے اسحاق ڈار سیڑھیوں سے اترے اور میڈیا کے نما ئندوں کو نواز شریف کی جانب متوجہ پاکر راہ فرار اختیار کی اور خا موشی سے سڑک کی راہ لی لیکن کیمرے کی آنکھ نے اس سارے منظر کو محفوظ کرلیا۔
ہارلے اسٹریٹ کلینک کے باہر موجود صحافی نے سابق وفاقی وزیر خزانہ کی صحت دریافت کی تو انہوں نے جواب نہیں دیا۔ واضح رہے کہ اسحاق ڈار کے خلاف نیب عدالت میں مقدمات زیر سماعت ہیں اور انہوں نے حاضری سے استشنیٰ کے لیے بیماری کا سرٹیفیکٹ جمع کرایا ہے۔
خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔
