بھارت کی ریاست اتر پردیش کی ایک اسکول میں مسلمان طالب علم پر کلاس کے دیگر بچوں سے تشدد کروانے والی ہندو ٹیچر اپنے دفاع میں انوکھی منطق لے آئی۔
ترپتا تیاگی نامی ٹیچر نے میڈیا سے گفتگو میں کہا کہ طالب علم کو سبق یاد نہیں تھا اور وہ پچھلے ایک ماہ سے پڑھائی میں دھیان نہیں دے رہا تھا، میں خود معذور ہوں اس لیے بچوں کو کہا کہ اس کو تھپڑ ماریں تاکہ وہ ہوم ورک کرے۔
انہوں نے کہا کہ ہم کلاس میں ہندو مسلمان کا فرق نہیں رکھتے، ہمارے اسکول میں مختلف مذاہب کے بچے پڑھائی کر رہے ہیں۔
بچے کو تھپڑ لگوانے والی ترپتا تیاگی کے خلاف مظفر نگر میں مقدمہ درج ہے تاہم اب تک ان کی گرفتاری عمل میں نہیں لائی گئی۔
India may have made it to the moon but millions of Muslims still don't have basic rights as Muslims are lynched in public sight.
In this school the teacher asks Hindu children to slap a Muslim child, even berating them if they don't slap hard enoughpic.twitter.com/ci0YVgDpl2
— muslim daily (@muslimdaily_) August 25, 2023
یہ معاملہ اُس وقت سامنے آیا جب مشہور بھارتی مصنف ارون دھتی رائے نے ایک ویڈیو سوشل میڈیا پر شیئر کی جس میں دیکھا گیا کہ اسکول میں مسلمان بچے کو ٹیچر کی موجودگی میں کلاس کے دیگر بچے باری باری تھپڑ جڑ رہے ہیں۔
ویڈیو میں دیکھا جا سکتا ہے کہ ٹیچر ایک بچے کو کہتی ہیں کہ آہستہ کیوں مار رہے ہو، اب کس کا نمبر ہے۔ پھر ایک بچے نے آکر زور دار تھپڑ بچے کے منہ پر مارا۔
اس واقعے پر لوگ غصہ ہیں اور سخت الفاظ میں مذمت کر رہے ہیں۔ ان کا مطالبہ ہے کہ خاتون ٹیچر کے خلاف فوری قانونی کارروائی کی جائے۔
