ریاض: سعودی عرب میں کرنسی نوٹوں کو متاثر کرنے والوں کو اب قید اور جرمانے کی سزا بھگتنا ہوگی۔
تفصیلات کے مطابق سعودی میڈیا رپورٹس میں بتایا گیاہے کہ کرنسی نوٹ کی بے توقیری کرنے والوں کے خلاف بڑے پیمانے پر کریک ڈاؤن کا آغاز کردیا گیا ہے۔
مرکزی بینک نے کونسل آف سعودی چیمبرز کو ہدایات جاری کی ہیں کہ تزین و آرائش اور سجاوٹ کے لیے کرنسی نوٹ کی ساکھ کو نقصان پہنچانے والوں کے خلاف بھرپور کارروائی کی جائے۔
یہ اقدام شہریوں کی جانب سے بڑی تعداد میں متاثرہ نوٹوں کی تبدیلی کے لیے بینکوں سے رابطے کے بعد اٹھایاگیا ہے۔
مختلف بینکوں میں یومیہ بنیادوں پر شہری ایسے کرنسی نوٹ تبدیل کروانے آرہے ہیں جو کہ داغدار، پھٹے ہوئے اور مسخ شدہ ہیں۔
کرنسی نوٹوں کی ساکھ کو نقصان پہنچانے والوں کو جعل سازی کی دفعات کے تحت کم از کم 3اور زیادہ سے زیادہ 5 سال قید کی سزا ہوگی جب کہ انہیں 3 ہزارسے 10 ہزار ریال جرمانہ بھی ادا کرنا پڑےگا۔
