اپرکوہستان میں مسافر بس کھائی میں گرگئی جس کے باعث 4 مسافر جاں بحق ہوگئے، 10 سے زائد لوگوں کے زخمی ہونے کی اطلاعات ہیں۔
تفصیلات کے مطابق ریسکیو حکام نے بتایا کہ اپرکوہستان میں مسافر بس حادثے میں 4 افراد جاں بحق ہوئے ہیں جبکہ 15 افراد زخمی ہیں، پولیس نے بتایا کہ اپرکوہستان کے علاقے شتیال میں مسافر بس کھائی میں گرگئی۔
پولیس نے بتایا کہ بس میں خواتین اور بچوں سمیت 30 سے زائد مسافر سوار تھے، حادثے کا شکار بس اسکردو سے راولپنڈی جارہی تھی،
- Advertisement -
اپرکوہستان میں پیش آنے والے حادثے کے بارے میں بتاتے ہوئے پولیس کا مزید کہنا تھا کہ حادثے کی جگہ پر امدادی کارروائیاں شروع کردی گئی ہیں۔
