بالی ووڈ کی معروف اداکارہ و ماڈل اروشی روٹیلا پاک بھارت میچ دیکھنے کے لیے نیویارک پہنچ گئیں۔
بھارتی میڈیا کے مطابق بالی ووڈ اداکارہ اروشی روٹیلا بھی ٹی 20 ورلڈ کپ کا اہم ٹاکرا پاک بھارت میچ دیکھنے کے لیے نیویارک پہنچ گئی ہیں۔
دوسری جانب اداکارہ اروشی روٹیلا نے بھی فوٹو اینڈ شیئرنگ ایپ انسٹاگرام پر پوسٹ شیئر کی ہے جس میں انہیں جہاز کے اندر دیکھا جاسکتا ہے۔
View this post on Instagram
اروشی روٹیلا نے اپنے آ انسٹاگرام اسٹوری میں اپنی ویڈیو بھی شیئر کی جس میں وہ مِرر ویڈیو بنا رہی ہیں، اداکارہ نے اپنی اسٹوری کی لوکیشن میں نیویارک لکھا جس سے اس بات کی تصدیق ہوگئی کہ وہ پاک بھارت میچ دیکھنے کے لیے نیویارک پہنچ گئی ہیں۔
بھارتی اداکارہ تصویر اور اسٹوری سامنے آںے کے بعد فینز ان سے سوال کررہے ہیں کہ آیا وہ پاکستان کے فاسٹ بولر نسیم شاہ کو سپورٹ کرنے پہنچی ہیں یا بھارت کے وکٹ کیپر رشبھ پنت کو۔
واضح رہے کہ ماضی میں دونوں کی دوستی کی خبریں وائرل ہوئی تھیں، اس کے علاوہ ایک بار اروشی روٹیلا نے دعویٰ کیا تھا کہ وہ اور رشبھ پنت ایک دوسرے کو ڈیٹ کررہے ہیں تاہم بھارتی کرکٹر نے اس دعوے کو مسترد کرتے ہوئے اداکارہ کو سوشل میڈیا پر بلاک کردیا تھا۔
یاد رہے کہ پاکستان اور بھارت کے درمیان آئی سی سی ٹی 20 ورلڈ کپ کا سب سے اہم میچ آج نیویارک کے نساؤ کرکٹ اسٹیڈیم میں کھیلا جائے گا۔
