بالی ووڈ کی اداکارہ اروشی روٹیلا نے پسندیدہ پاکستانی کرکٹر کا نام بتا دیا۔
بالی ووڈ کے فلمی ایوارڈ آئیفا کی تقریب کے دوران یو اے ای میں اداکارہ اروشی روٹیلا سے پسندیدہ پاکستانی کرکٹر کا نام پوچھا گیا جس کے جواب میں اداکارہ نے فاسٹ بولر کا نام لیا۔
تقریب کے دوران اروشی سے پوچھا گیا کہ پاکستانی ٹیم میں آپ کا کونسا پسندیدہ کھلاڑی ہے؟
جواب میں اروشی روٹیلا نے کہا کہ پاکستان کرکٹ ٹیم اچھی ہے، نسیم شاہ بہت اچھا کرکٹر ہے۔
واضح رہے اروشی ماضی میں بھی نسیم شاہ کی وجہ سے سوشل میڈیا پر ٹرینڈ میں رہ چکی ہیں۔
2023 میں اروشی نے ایشیا کپ میں پاک بھارت میچ کے آغاز سے قبل پاکستانی فاسٹ بولر نسیم شاہ کے ہمراہ پاکستانی اسکواڈ کی تصویر شیئر کردی تھی۔
اروشی روٹیلا نے نسیم شاہ کو سالگرہ اور اعزازی ڈی ایس پی بننے پر مبار کباد بھی دی تھی۔
یاد رہے کہ اروشی روٹیلا اپنے بیانات کی وجہ سے اکثر شہ سرخیوں میں رہتی ہیں اس سے قبل بھارتی کرکٹر رشبھ پنت سے متعلق بھی ان کے بیانات وائرل ہوچکے ہیں۔
