The news is by your side.

Advertisement

امریکی فوج کی افغانستان سے انخلا کی تیاریاں

کابل: امریکی اخبار نے دعویٰ کیا ہے کہ افغانستان سے امریکی فوج کے 6 ہزار اہلکار وطن واپسی کی تیاری کررہے ہیں۔

تفصیلات کے مطابق افغانستان سے 6 ہزار امریکی فوج کا انخلا طالبان سے ہونے والے معاہدے کی ایک کڑی ہے، البتہ واشنگٹن نے اس دعوے کی تصدیق نہیں کی۔

امریکی اخبار نے رپورٹ کیا ہے کہ امریکی حکومت افغانستان میں سے اپنے ہزاروں فوجیوں کی واپسی کی تیاری میں مصروف ہے۔ فوجیوں کی تعداد میں کمی طالبان اور امریکا کے درمیان جاری مذاکرات میں طے پانے والے معاہدے کا نتیجہ ہوگا۔

امریکی اخبار کے مطابق افغانستان میں امریکی فوج کی تعداد میں کمی کرکے اسے چودہ ہزار سے آٹھ سے نوہزار کے درمیان کیا جا رہا ہے۔

امریکی میڈیا نے یہ بھی واضح کیا کہ فوجیوں کی تعداد میں کمی طالبان اور امریکا کے درمیان جاری مذاکرات میں طے پانے والے معاہدے کا نتیجہ ہوگا۔

افغانستان، طالبان کا پولیس چیک پوسٹ پر حملہ، 10 اہلکار ہلاک

اس امریکی حکومتی اقدام کے جواب میں طالبان کابل حکومت کے ساتھ براہ راست مذاکرات کرے گی۔ ابھی تک طالبان کابل حکومت کو امریکا کی کٹھ پتلی قرار دیتے ہیں۔

گذشتہ روز طالبان نے بھی امید ظاہر کی ہے کہ اب فریقین کے درمیان مذاکرات حتمی مراحل میں داخل ہورہے ہیں، چند روز میں دوحہ میں ہونے والے مذاکرات میں ایک معاہدہ طے پاجائے گا۔

دوسری جانب امریکی نمائندہ خصوصی برائے افغان امن عمل زلمے خلیل زاد مذاکرات کو کامیاب بنانے کے لیے اہم رہنماؤں سے ملاقات اور اثر رکھنے والے ممالک کا دورہ بھی کررہے ہیں۔

Comments

comments

یہ بھی پڑھیں