امریکا میں بھارتی ارب پتی تاجر گوتم اڈانی پر فرد جرم عائد کر دی گئی۔
رپورٹ کے مطابق بھارت کے اڈانی گروپ کے سربراہ گوتم اڈانی پر امریکا میں ایک مبینہ اسکیم کے تحت 250 ملین ڈالر سے زیادہ کی رشوت دینے اور اسکیم کو امریکی سرمایہ کاروں سے چھپانے پر فرد جرم عائد کی گئی ہے۔
غیر ملکی میڈیا رپورٹس کے مطابق مریکی محکمہ انصاف نے ساڑھے 26 کروڑ ڈالر رشوت اور فراڈ پر کارروائی کی، بروکلین کی عدالت نے گوتم اڈانی کے وارنٹ گرفتاری جاری کر دیئے۔
- Advertisement -
عدالتی ریکارڈ کے مطابق جج نےگوتم اڈانی اور اس کے بھتیجے ساگر اڈانی سمیت 8 ملزمان پر فرد جرم عائد کی ہے۔
ڈپٹی اسسٹنٹ اٹارنی جنرل نے بتایا ملزمان نے فراڈ کرکے سرمایہ کاروں سے حقائق چھپائے، واضح رہے کہ اڈانی کو بھارتی وزیر اعظم مودی کا قریبی ساتھی سمجھا جاتا ہے۔
