واشنگٹن : ترجمان امریکی محکمہ خارجہ میتھیو ملر کا کہنا ہے کہ پاکستانی بیلسٹک میزائل پروگرام کی حمایت نہیں کریں گے، پاکستانی بیلسٹک میزائل پروگرام کی حمایت سے انکار دیرینہ پالیسی ہے۔
تفصیلات کے مطابق واشنگٹن میں ترجمان امریکی محکمہ خارجہ میتھیوملر نے پریس کانفرنس کرتے ہوئے کہا کہ پاکستان ہماراطویل المدتی شراکت دارہے، شراکت داری کےباوجودجہاں اختلاف ہونگےوہاں کارروائی کریں گے۔
میتھیوملر کا کہنا تھا کہ پاکستان کےبیلسٹک میزائل پروگرام کی حمایت سے انکارہماری پالیسی رہی ہے ، ہم اپنی قومی سلامتی کیلئے پابندیوں اوردیگراقدامات کا استعمال جاری رکھیں گے۔
ترجمان نے کہا کہ اختلافات ہوتےہیں توامریکی مفادات کیلئےکارروائی سے نہیں ہچکچاتے، ہم کئی سالوں سے پاکستان کے بیلسٹک میزائل پروگرام کے بارے میں اپنے خدشات کے بارے میں واضح اور مستقل رہے ہیں۔
میتھیوملر کا مزید کہنا تھا کہ امریکاہتھیاروں کےپھیلاؤکی حمایت کرنےوالےنیٹ ورک کیخلاف کارروائی کرتارہےگا اور ہتھیاروں کےعدم پھیلاؤ کے نظام کو مضبوط کرنے کیلئے پُرعزم ہے، ہتھیاروں کے پھیلاؤ کیلئے امریکی مالیاتی نظام کو استعمال نہیں کیا جا سکتا۔
گذشتہ روز امریکی وازرت خارجہ کا کہنا تھا کہ امریکی انڈرسیکریٹری نے دورہ پاکستان میں ملاقاتوں میں دہشت گردی اورپُرتشدد انتہا پسندی کا مقابلہ کرنے پرتبادلہ خیال کیا ساتھ ہی اقتصادی امور پر دوطرفہ تعاون کو وسعت دینے پر بات کیا۔
انھوں نے مزید کہا کہ امریکا میں افغانوں کی آبادکاری میں مدد کرنے پر پاکستان کے تعاون پرشکریہ ادا کیا، تمام مسائل کےحل کیلئےحکومت پاکستان کےساتھ مل کرکام کرتے رہیں۔
