ہیوسٹن: امریکی رکن کانگریس شیلا جیکسن لی نے کہا ہے کہ وہ پاکستان میں کسی مخصوص سیاسی جماعت کی حمایت نہیں کرتیں۔
تفصیلات کے مطابق کانگریس میں پاکستان کاکس کی سربراہ اور ڈیموکریٹک رکن کانگریس شیلا جیکسن لی کہتی ہیں کہ وہ پاکستان میں کسی مخصوص سیاسی جماعت کی حمایت نہیں کرتیں، جمہوریت اور انسانی حقوق کے تحفظ پر یقین رکھتی ہیں۔
ہیوسٹن میں ڈیموکریٹک رہنما طاہر جاوید کی جانب سے منعقدہ فنڈ ریزنگ ظہرانے سے خطاب میں ڈیموکریٹک رکن کانگریس شیلا جیکسن لی نے ہیوسٹن شہر سے آئندہ میئر کے الیکشن لڑنے کے لیے جاری انتخابی مہم سے آگاہ کیا۔
اس موقع پر پاکستانی نژاد پولیس کانسٹیبل نبیل شائق سمیت مختلف کمیونٹیز کے سرگرم رہنما بھی موجود تھے۔ طاہر جاوید نے اپنے خطاب میں شیلا جیکسن لی کی حمایت کا اعلان کرتے ہوئے کہا کہ شیلا جیکسن نے سیلاب کے بعد پاکستان کا دورہ کیا اور محکمہ خارجہ سے لے کر صدر جو بائیڈن تک کو صورت حال سے آگاہ کیا۔
انھوں نے کہا شیلا جیکسن پاکستان کی ترقی و خوش حالی اور باہمی تعلقات کے فروغ کے لیے ہمیشہ متحرک رہتی ہیں۔
