وزیراعلیٰ پنجاب سےامریکی قونصل جنرل کولین کرین ویلج کی ملاقات -
The news is by your side.

Advertisement

وزیراعلیٰ پنجاب سےامریکی قونصل جنرل کولین کرین ویلج کی ملاقات

لاہور: وزیراعلیٰ پنجاب سردارعثمان بزدار کا کہنا ہے کہ پاکستان کےعوام نے تبدیلی کے لیے ووٹ دیا ہے، ہمارا ایجنڈا صرف کام، کام اورکام ہے۔

تفصیلات کے مطابق وزیراعلیٰ پنجاب سردارعثمان بزدار سے امریکی قونصل جنرل کولین کرین ویلج نے ملاقات کی، اس موقع پر سماجی شعبوں کی ترقی اور باہمی دلچسپی کے امورپرتبادلہ خیال کیا گیا۔

امریکی قونصل جنرل نے عثمان بزدار کو وزیراعلیٰ پنجاب بننے کی مبارکباد دی اور نیک خواہشات کا اظہار کیا۔

اس موقع پروزیراعلیٰ پنجاب نے کہا کہ پاکستان اورامریکا کے تعلقات کئی دہائیوں پرمشتمل ہیں اور دہشت گردی کے خلاف دونوں ملکوں میں شراکت داری ہے۔

عثمان بزدار نے کہا کہ پاکستان کےعوام نے تبدیلی کے لیے ووٹ دیا ہے، ہمارا ایجنڈا صرف کام،کام اورکام ہے۔

وزیراعلیٰ پنجاب نے کہا کہ جنوبی پنجاب کوصوبہ بنانے کے لیے حکومت نے کمیٹی قائم کردی، بلدیاتی اداروں کوبھی نچلی سطح تک اختیارات دیے جائیں گے۔

امریکی قونصل جنرل کولین کرین ویلج نے کہا کہ سماجی شعبوں کی ترقی کے لیے شراکت کو بڑھائیں گے، نئی حکومت کے ساتھ پارٹنرشپ مزید مضبوط ہوگی۔

عمران خان کے نئے پاکستان کے خواب کو حقیقت میں بدلنا ہے‘ عثمان بزدار

یاد رہے کہ گزشتہ ہفتے وزیراعلیٰ پنجاب عثمان بزدارکا کہنا تھا کہ عمران خان کے نئے پاکستان کے خواب کو حقیقت میں بدلنا ہے، گڈ گورننس کو فروغ دیں گے، کرپشن برداشت نہیں کروں گا۔

Comments

comments

یہ بھی پڑھیں