واشنگٹن : ترجمان امریکی محکمہ خارجہ میتھیو ملر نے سعودی وزیرخارجہ کے دورہ پاکستان پر تبصرے سے گریز کرتے ہوئے کہا سعودی وزیر خارجہ سے خطے میں تناؤ کم کرنے کیلئے کام جاری رکھنے پر بات ہوئی ہے۔
تفصیلات کے مطابق ترجمان امریکی محکمہ خارجہ میتھیو ملر کی پریس کانفرنس کے دوران سعودی وزیر خارجہ کے دورہ پاکستان کے بارے میں سوال کیا گیا تو میتھیو ملر نے سعودی وزیرخارجہ کے دورہ پاکستان پر تبصرے سے گریز کیا۔
میتھیو ملر نے بتایا کہ امریکی وزیر خارجہ نے سعودی ہم منصب سےفون پربات کی تھی،سعودی وزیرخارجہ سےخطے میں تناؤ کم کرنےکیلئےکام جاری رکھنے پربات ہوئی اور تنازع کےطویل مدتی پائیدارحل پر بات کی گئی۔
ترجمان امریکی محکمہ خارجہ کا کہنا تھا کہ سعودی عرب اور اسرائیل کے درمیان تعلقات معمول پر لانے پر بات ہوئی ساتھ ہی دو ریاستی حل کی جانب پیش قدمی پربھی بات ہوئی۔
ایک سوال کے جواب میں انھوں نے کہا کہ ہم پاکستان میں آزادی اظہارکےلیےکام جاری رکھیں گے ، پاکستان میں قانون کی حکمرانی کی حمایت جاری رکھیں گے۔
