امریکی وزیر دفاع پیٹ ہیگستھ نے ایران کے جوہری تنصیبات پر حملے کی ویڈیو دکھا دی۔
پینٹاگون حکام کی پریس کانفرنس میں امریکی وزیر دفاع پیٹ ہیگستھ نے کہا کہ ایرانی ایٹمی پروگرام کی تباہی کسی بھی امریکی صدر کا خواب ہوسکتا تھا، جوہری صلاحیت ختم کرنا فوج کی بڑی کامیابی ہے، یہ کامیابی صدر ٹرمپ کی وجہ سے ممکن ہوئی، اس تاریکی کامیابی پر امریکیوں کو جشن منانا چاہیے تھا۔
انہوں نے کہا کہ بعض امریکی چینل من گھڑت خبریں چلا رہے ہیں، امریکی صدر نے تاریخ کے سب سے مشکل فوجی حملے کا حکم دیا، فوج نے مہارت سے مشن کمل کیا، فوجی آپریشن کا مقصد خطے میں جاری جنگ ختم کرنا تھا۔
امریکی وزیر دفاع نے کہا کہ میں کسی ایسی انٹیلی جنس سے واقف نہیں ہوں جس کا میں نے جائزہ لیا ہو جس میں کہا گیا ہو کہ جوہری تنصیبات وہیں نہیں تھی جہاں انہیں ہونا چاہیے تھا۔
واضح رہے کہ ابتدائی رپورٹس میں بتایا گیا تھا کہ امریکا کے حملے سے قبل ایران اپنے جوہری مواد کو محفوظ مقام پر منتقل کرنے میں کامیاب تھا۔
چیئرمین جوائنٹ چیفس آف اسٹاف جنرل ڈین کین نے بتایا کہ قطر میں ایرانی حملے کی اطلاع پہلے ہی مل گئی تھی، بڑی تعداد میں میزائل فائر کرکے ایران کا بڑا حملہ ناکام بنایا۔
