امریکا نے نیپالی کرکٹر سندیپ لمیچانے کو ٹی 20 ورلڈ کپ کے لیے ویزا دینے سے انکار کردیا۔
ٹی 20 ورلڈ کپ 2024 میں لیگ اسپنر سندیپ لمیچانے کو نیپال کی نمائندگی کرنا تھی جس کے لیے ان کے امریکا کے ویزے کے لیے درخواست دی گئی تھی۔
سندیپ لمیچانے نے سوشل میڈیا پر ویزا مسترد ہونے سے مداحوں کو آگاہ کیا۔
واضح رہے کہ گزشتہ دنوں پٹن ہائی کورٹ نے سندیپ لمیچانے کو عصمت دری کے مقدمے میں متعلق تمام الزامات سے بری کردیا تھا۔
گزشتہ سال ستمبر میں 17 سالہ لڑکی نے سندیپ کے خلاف شکایت درج کروائی تھی، جس میں الزام لگایا گیا تھا کہ کرکٹر نے کھٹمنڈو کے ایک ہوٹل کے کمرے میں اس کے ساتھ زیادتی کی۔
رواں سال 12 جنوری کو لمیچانے کی طرف سے دائر نظرثانی کی درخواست پر ہائی کورٹ نے کرکٹر کو 20 لاکھ روپے کے ضمانتی مچلکے پر رہا کرنے کا حکم دیا تھا بعدازاں انہیں گرفتار کرکے 8 سال کی سزا سنائی گئی تھی۔
یاد رہے کہ سندیپ لمیچانے پاکستان سپر لیگ ، بگ بیش لیگ اور انڈین پریمیئر لیگ بھی کھیل چکے ہیں۔
ٹی 20 ورلڈ کپ میں نیپال کا سفر 4 جون کو شروع ہونے والا ہے، نیپال کے ساتھ گروپ ڈی میں بنگلہ دیش، سری لنکا اور جنوبی افریقہ کی ٹیمیں شامل ہیں۔
