پاک بھارت وزرائے خارجہ ملاقات کا خیرمقدم کرتے ہیں، امریکی محکمہ خارجہ -
The news is by your side.

Advertisement

پاک بھارت وزرائے خارجہ ملاقات کا خیرمقدم کرتے ہیں، امریکی محکمہ خارجہ

وزیر اعظم عمران خان اور نریندر مودی نے بھی مثبت پیغامات کا تبادلہ کیا ہے، ہیدرنوئرٹ

واشنگٹن : ترجمان امریکی محکمہ خارجہ ہیدرنوئرٹ نے کہا ہے کہ پاک بھارت وزرائے خارجہ ملاقات کا خیرمقدم کرتے ہیں، امید ہے ملاقات میں مضبوط تعلقات کی راہ ہموار ہوگی۔

یہ بات انہوں نے واشنگٹن میں پریس بریفنگ دیتے ہوئے کہی، ہیدرنوئرٹ نے کہا کہ امریکا نیو یارک میں ہونے والی پاک بھارت وزرائے خارجہ کی متوقع ملاقات تعلقات میں بہتری کی جانب قدم ہے، اس اقدام کا خیر مقدم کرتے ہیں، پاک بھارت حکام کا ساتھ بیٹھنا اور معاملات پر بات چیت کرنا ایک مثبت پیغام ہے۔

ترجمان امریکی محکمہ خارجہ کا مزید کہنا تھا کہ وزیر اعظم عمران خان اور مودی نے بھی مثبت پیغامات کا تبادلہ کیا ہے، امید ہے ملاقات میں مضبوط تعلقات کی راہ ہموار ہوگی۔

واضح رہے کہ وزیراعظم عمران خان نے بھارتی وزیراعظم نریندرا مودی کو لکھے خط میں مذاکرات کی پیش کش کی تھی۔ وزیراعظم کا خط میں کہنا تھا کہ تنازعہ کشمیراور دہشت گردی سمیت تمام مسائل بات چیت سے حل کرنا ہوں گے۔

جس کے جواب میں بھارت نے پیشکش قبول کرتے ہوئے مثبت جواب دیا ہے۔ اس حوالے سے دونوں ممالک کے وزرائے خارجہ شاہ محمود قریشی اور سشما سوراج کے درمیان27 ستمبر کو نیویارک میں ہونے والی ملاقات کی تصدیق کردی ہے۔

،مزید پڑھیں: بھارت نے ملاقات کی تجویز قبول کر لی، وزرائے خارجہ ملاقات 27 ستمبر کو ہوگی

اقوامِ متحدہ کی جنرل اسمبلی کے اجلاس کے موقع پر دونوں وزرائے خارجہ کی ملاقات نیویارک میں کھانے کے دوران ہوگی، ملاقات سے پاک بھارت مذاکرات کا سلسلہ دوبارہ شروع ہونے کا امکان ہے۔

Comments

comments

یہ بھی پڑھیں