کراچی : انٹر بینک میں امریکی ڈالر مزید 3 روپے63 پیسے مہنگا ہوکر 232 روپے کی بلند ترین سطح پر پہنچ گیا۔
تفصیلات کے مطابق پاکستانی روپے کی بے قدر کا سلسلہ جاری ہ ، کاروباری ہفتے کے پہلے روز امریکی ڈالر تاریخ کی بلند ترین سطح پر برقرار رہا.
ٹریڈنگ کے آغاز نے روپے کے مقابلے میں ڈالر 3 روپے63 پیسے مہنگا ہوکر 232 روپے پر پہنچ گیا جبکہ بینکس ڈالر 233 روپے میں فروخت کر رہے ہیں۔
فاریکس ڈیلرز کے مطابق وپن مارکیٹ میں ڈالر231 سے233 روپے تک میں فروخت ہوا، اور اختتام پر انٹر بینک میں ڈالر ایک روپے 51 پیسے مہنگا ہو کر 229روپے 88 پیسے پر بند ہوا۔
ماہرین کا کہنا ہے کہ آئی ایم ایف کی جانب سے روزنئی شرط سامنےآرہی ہے، اب آئی ایم ایف نے ایک ارب سترہ کروڑ ڈالر کی قسط کو سعودی عرب کی فنڈنگ سےمشروط کردیاہے۔
بلومبرگ کی اس خبرپر وزارتِ خزانہ کی جانب سے تصدیق یا تردید نہیں کی گئی ہے۔
خیال رہے شہباز شریف حکومت کے تین ماہ کے دوران امریکی ڈالر کی قیمت پچاس روپے اضافے ہوا ، جس سے غیر ملکی قرضوں کے حجم میں ساڑھے چارہزار ارب روپے کا اضافہ ہوگیا ہے۔