کیلی فورنیا: امریکا میں صدارتی انتخابات کی گہما گہمی عروج پر ہے، متعدد ریاستوں میں ارلی ووٹنگ کا آغاز ہوگیا جبکہ کیلی فورنیا کی اورنج کاؤنٹی میں ری پبلکن پارٹی کے دفترکو پیڑول بم سے نشانہ بنایا گیا تاہم کوئی نقصان نہیں ہوا۔
پوری دنیا کی نظریں امریکی صدارتی انتخابات پر لگی ہیں، آٹھ نومبر کو باقاعدہ ووٹنگ سے قبل ارلی ووٹنگ کا آغاز ہوگیا ہے، پچاس میں سے اڑتیس ریاستوں میں ارلی ووٹنگ کی جارہی ہے، جس میں لوگ بڑی تعداد میں ووٹ کاسٹ کررہے ہیں۔
امریکی ریاست نارتھ کیرولائنا میں ریپبلکن پارٹی کے ہیڈکوارٹرز پر پیڑول بم سے حملہ کیا گیا تاہم کوئی نقصان نہیں ہوا ، ڈیموکریٹک امیدوارہیلری کلنٹن نے حملے کی مذمت کی اور کہا کہ ناقابل قبول اور افسوسناک ہے۔
The attack on the Orange County HQ @NCGOP office is horrific and unacceptable. Very grateful that everyone is safe.
— Hillary Clinton (@HillaryClinton) October 16, 2016
ایک انٹرویو میں ہیلری کلنٹن نے مخالف امیدوارڈونلڈ ٹرمپ کی مہم کو توہین آمیز باتوں پر مبنی قرار دیا۔
دوسری جانب ڈونلڈ ٹرمپ نے حملے کی ذمہ داری ڈیموکریٹک پارٹی پر عائد کی ہے۔
مزید پڑھیں : اگلے صدارتی مباحثے سے قبل ہلیری کا ڈرگ ٹیسٹ ہونا چاہیے،ٹرمپ
واضح رہے کہ امریکی صدارتی مہم اپنے آخری مراحل کے قریب تر ہوتی جا رہی ہے، گذشتہ روز ریپبلکن پارٹی کے صدارتی امیدوار ڈونلڈ ٹرمپ کا نیو ہیمشائر میں ریلی سے خطاب کرتے ہوئے کہنا تھا کہ اگلے مباحثے سے قبل ہلیری کلنٹن اور میرامنشیات ٹیسٹ ہونا چاہیے جبکہ ڈونلڈ ٹرمپ ہر محفل میں خواتین کے بارے میں اپنے ریمارکس کی صفائیاں دیتے پھر رہے ہیں۔
