امریکی سفارت خانہ رواں سال مئی میں یروشلم منتقل ہوجائےگا -
The news is by your side.

Advertisement

امریکی سفارت خانہ رواں سال مئی میں یروشلم منتقل ہوجائےگا

واشنگٹن : امریکی محکمہ خارجہ کا کہنا ہے کہ رواں سال مئی میں اسرائیل کی 70 ویں سالگرہ کے موقع پر امریکی سفارت خانہ یروشلم منتقل ہوجائے گا۔

تفصیلات کے مطابق امریکی محکمہ خارجہ کی جانب سے جاری بیان میں کہا گیا ہے کہ اس سال مئی میں یروشلم میں امریکی سفارت خانہ کھل جائے گا۔

امریکہ کی جانب سے گزشتہ روز سفارت خانے کی منتقلی کے اعلان پر اسرائیلی وزیراعظم نیتن یاہو نے کہا کہ یہ اسرائیلی عوام کے لیے ایک بہترین دن ہے۔

امریکی محکمہ خارجہ کے ترجمان کے مطابق فی الحال سفارت خانہ یروشلم میں موجود امریکی قونصل خانے میں منتقل کردیا جائے گا۔

امریکی محکمہِ خارجہ کا کہنا ہے کہ یروشلم میں نئی امریکی سفارتخانہ اس سال مئی میں کھل جائے گا۔


یروشلم سے متعلق امریکی فیصلے کو اقوام متحدہ نے مسترد کردیا


خیال رہے کہ گزشتہ برس 21 دسمبرکو اقوام متحدہ کی جنرل اسمبلی میں یروشلم کو اسرائیلی دارالحکومت تسلیم کرنے کے امریکی فیصلے کو کثرت رائے سے مسترد کردیا تھا۔

امریکی فیصلے کے خلاف قرارداد کے حق میں 128 اور مخالفت میں 9 ووٹ ڈالے گئے تھے جبکہ 35 ممالک نے جنرل اسمبلی اجلاس میں رائے دہی سے اجتناب کیا تھا۔

یاد رہے کہ گزشتہ ماہ 23 جنوری کو امریکی نائب صدر مائیک پنس نے اسرائیلی پارلیمنٹ سے خطاب کرتے ہوئے کہا تھا کہ امریکی سفارت خانہ 2019 کے آخر تک یروشلم منتقل کردیا جائے گا۔


امریکہ نے یروشلم کو اسرائیلی دارالحکومت تسلیم کرلیا


واضح رہے کہ 6 دسمبر2017 کو امریکی صدر ڈونلڈ ٹرمپ نے یروشلم کو اسرائیل کا دارالحکومت تسلیم کرتے ہوئےامریکی سفارت خانے کو باقاعدہ طور پر یروشلم منتقل کرنے کا اعلان کیا تھا۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پرشیئر کریں۔

Comments

comments

یہ بھی پڑھیں