واشنگٹن : امریکانے ڈاکٹراسامہ ریاض کے انتقال پرافسوس کا اظہار کرتے ہوئے کہا ہے کہ امریکا پاکستان کے ساتھ کھڑا ہے۔میڈیکل ورکرزاپنی جان خطرے میں ڈال کرلوگوں کی زندگیاں بچارہے ہیں۔
تفصیلات کے مطابق امریکی معاون نائب وزیرخارجہ ایلس ویلزنے سما جی رابطے کی ویب سائٹ ٹوئٹر پر اپنے پیغام میں کہا کہ ڈاکٹراسامہ ریاض کی موت پرافسوس ہے، ڈاکٹراسامہ پاکستان میں کورونا وائرس کیخلاف جنگ میں فرنٹ لائن پرتھے۔
ایلس ویلز کا کہنا تھا کہ امریکا پاکستان کے ساتھ کھڑا ہے، میڈیکل ورکرزاپنی جان خطرے میں ڈال کرلوگوں کی زندگیاں بچارہے ہیں۔
We salute all the brave medical workers across South and Central Asia who are risking their lives to help the sick and keep us safe. Saddened to hear of the death of Dr. Usama Riaz, who was on the frontlines of the fight against #COVID19 in Pakistan. The U.S. stands with you. AGW
— State_SCA (@State_SCA) March 23, 2020
کوروناوائرس کے مریضوں کا علاج کرنے والا ڈاکٹر خود وائرس کا شکار ہوکر چل بسا تھا، ترجمان گلگت بلتستان حکومت نے تصدیق کرتے ہوئے کہا تھا کہ ڈاکٹر اسامہ متاثرہ مریضوں کے علاج کے دوران وائرس کا شکار ہوئے، ڈاکٹر اسامہ نے انسانیت کیلئے اپنی جان قربان کی،وہ قومی ہیروہیں۔
کرونا وائرس کی وبا کے بعد ڈاکٹر اسامہ ریاض جگلوٹ گلگت بلتستان ہی میں سکرینینگ کے فرائض سرانجام دے رہے تھے، انھوں نے قائداعظم میڈیکل کالج سے ایم بی بی ایس کی ڈگری مکمل کی تھی۔
اگست 2019 میں انہوں نے پی پی ایچ آئی گلگت میں بطور ڈاکٹر کام شروع کیا تھا اور اسی سال فروری 2020 میں ایف سی پی ایس پارٹ ون کا امتحان بھی پاس کیا اور جولائی میں سپیشلائزیشن میں انڈکشن کے منتظر تھے۔
