The news is by your side.

Advertisement

مائیک پومپیو کا افغانستان میں عام انتخابات سے قبل امریکی فوجیں واپس بلانے کا دعویٰ

واشنگٹن: امریکی وزیرخارجہ مائیک پومپیو نے افغانستان میں عام انتخابات سے قبل امریکی فوجیں واپس بلانے کا دعویٰ کیا ہے۔

تفصیلات کے مطابق امریکی وزیر خارجہ نے دعوی کیا ہے کہ امریکی صدر ٹرمپ نے انتخابات سے قبل افغانستان سے امریکی افواج واپس بلانے کا فیصلہ کر لیا ہے۔

غیرملکی خبررساں ادارے کے مطابق اکنامک کلب آف واشنگٹن میں امریکی افواج کے افغانستان سے انخلا کے سوال کے جواب میں مائیک پومپیو نے کہا کہ مجھے یہ احکامات صدر امریکا سے خود ملے ہے۔

مائک پومپیو کا کہنا تھا کہ صدر ٹرمپ کبھی نہ ختم ہونے والی جنگ کا خاتمہ چاہتے ہیں اور فوجی انخلا کے لیے آمادہ ہیں۔

انہوں نے کہا کہ کئی ممالک کی افواج افغانستان میں موجود ہیں اور ہمیں امید ہے کہ خطے میں بیرونی افواج کی ضرورت کم ہوگئی ہے۔

امریکی صدر ڈونلڈ ٹرمپ نے 2016 کی انتخابی مہم کے دوران بھی افغانستان سے امریکی فوجوں کو واپس بلانے کا وعدہ کیا تھا لیکن اقتدار میں آتے ہی انہوں نے افغانستان میں امریکی فوجیوں کی تعداد میں اضافے کا اعلان کر دیا تھا۔

شدت پسندوں کی بہ نسبت افغانستان میں اتحادی افواج نے زیادہ شہری مارے: اقوام متحدہ

واضح رہے کہ اس وقت افغانستان میں انیس ہزار امریکی فوجی موجود ہیں۔

خیال رہے کہ گذشتہ روز اقوام متحدہ کی ایک رپورٹ میں کہا گیا تھا کہ افغانستان میں اتحادی افواج کی کارروائیوں میں سب سے زیادہ عام شہری مارے گئے۔

Comments

یہ بھی پڑھیں