روسی میڈیا کی جانب سے یہ دعویٰ کیا گیا ہے کہ امریکا نے روس، بیلا روس اور آذربائیجان کے بعض شہریوں پر پابندیاں لگادی ہیں۔
روسی میڈیا کا اس حوالے سے کہنا ہے کہ روس کی تابکاری، کیمیائی اور حیاتیاتی ڈیفنس فورسز پر بھی پابندیاں عائد کی گئی ہیں، پابندیوں کا شکار افراد کا تعلق روس کے فوجی صنعتی کمپلیکس سے ہے۔
روسی میڈیا کے مطابق امریکا کی جانب سے روس کے 16 سمندری جہازوں پر بھی پابندیاں لگائی گئی ہیں۔
روسی سفیر اناطولے کا کہنا ہے کہ امریکی اقدامات معمولی موقع پرستی اور شکاری ذہنیت کے عکاس ہیں۔
دوسری جانب امریکا کی جانب سے روس پر یوکرین جنگ کے دوران کیمیائی ہتھیاروں کے استعمال کا الزام عائد بھی عائد کیا گیا ہے۔
امریکی محکمہ خارجہ کے بیان کے مطابق روس یوکرین جنگ میں کیمیائی ہتھیار استعمال کر کے بین الاقوامی قانون کی خلاف ورزی کا مرتکب ہوا ہے۔
اسرائیل، سعودی تعلقات بحال کرانے کی کوششیں، خامنہ اِی کا اہم بیان
بیان کے مطابق روس نے یوکرین جنگ میں سانس لینے میں دشواری والے ایجنٹ کا استعمال کیا ہے۔
