واشنگٹن: امریکا میں بھارتی شہریوں پر زمین تنگ ہو گئی ہے، ٹرمپ انتظامیہ نے بھارتی شہریوں کو خبردار کیا ہے کہ مقررہ وقت سے زیادہ قیام کریں گے تو انھیں ملک بدر کر دیا جائے گا۔
غیر ملکی میڈیا رپورٹس کے مطابق امریکی سفارت خانے نے بھارتی شہریوں کو خبردار کیا ہے کہ امریکی سرزمین پر قوانین کی خلاف ورزی برداشت نہیں کی جائے گی، اگر کوئی امریکا میں اپنے ویزے کی مقررہ مدت سے زیادہ قیام کرتا ہے، تو اس کو ملک بدر کیا جا سکتا ہے۔
امریکی سفارت خانے کے مطابق ویزے کی مدت سے زیادہ قیام کرنے والے بھارتی شہریوں کو مستقبل میں امریکا کا سفر کرنے پر مستقل پابندی کا سامنا بھی کرنا پڑ سکتا ہے۔
امریکا سے غیر قانونی بھارتی شہریوں کا انخلا جاری ہے، جہاں 7.25 لاکھ بھارتی غیر قانونی طور پر مقیم ہیں اور اس تعداد میں مسلسل اضافہ جاری ہے، گزشتہ 5 سال میں 470 فی صد اضافہ ہوا، 2023 میں بھی 51 ہزار بھارتیوں نے اسٹیٹس میں پناہ کی درخواست دی۔
کیلیفورنیا میں ڈاکٹر مہر کے فرٹیلیٹی کلینک پر ہولناک بم دھماکا، ایک شخص ہلاک
میڈیا رپورٹس کے مطابق مودی سرکار کے بھارت میں بے روزگاری خطرناک حدوں کو چھونے لگی ہے، اپریل 2025 میں بے روزگاری کی شرح 5.1 فی صد تک جا پہنچی، جب کہ شہری علاقوں میں بے روزگاری 6.5 فی صد ہے، جس سے نوجوان سب سے زیادہ متاثر ہوئے ہیں۔
If you remain in the United States beyond your authorized period of stay, you could be deported and could face a permanent ban on traveling to the United States in the future. pic.twitter.com/VQSD8HmOEp
— U.S. Embassy India (@USAndIndia) May 17, 2025
