واشنگٹن : امریکی صحافی و دفاعی تجزیہ کار جوٹیبیٹ کا کہنا ہے کہ داعش کمانڈر جعفر کی گرفتاری سے امریکا کا پاکستان پراعتماد بڑھا۔
تفصیلات کے مطابق امریکی صحافی و دفاعی تجزیہ کار جو بینیٹ نے اے آر وائی نیوز سے خصوصی گفتگو میں داعش کمانڈر کی گرفتاری پر کہا کہ جعفر کی گرفتاری سے امریکا کا پاکستان پراعتماد بڑھا۔
امریکی صحافی کا کہنا تھا کہ ٹرمپ کی تقریر پر کانگریس میں زبردست تالیاں اس اعتماد کا ثبوت تھیں کہ موجودہ انتظامیہ پاکستان کے ساتھ کام کرنے کومثبت اندازسےدیکھ رہی ہے۔
دفاعی تجزیہ کار نے مزید کہا کہ جعفر کوئی عام سپاہی نہیں تھا ، بڑے رینک کا کمانڈر تھا، پاکستان کی مدد بغیرامریکا جعفر کو پکڑنے سے قاصر تھا۔
مزید پڑھیں : کابل ائیرپورٹ دھماکے میں ملوث دہشت گرد کی گرفتاری میں تعاون پر ٹرمپ پاکستان کے شکر گزار
یاد رہے کہ امریکی صدر ڈونلڈ ٹرمپ نے 2021 میں امریکی فوج کے افغانستان سے انخلا کے دوران کابل ایئرپورٹ پر بم دھماکے میں 13 امریکی فوجیوں کی ہلاکت کے ذمے دار داعش کے دہشت گرد محمد شریف اللہ کی گرفتاری میں تعاون پر حکومت پاکستان کا شکریہ ادا کیا تھا۔
امریکی صدر ڈونلڈ ٹرمپ نے کانگریس کے مشترکہ اجلاس سے پہلے خطاب میں کہا تھا کہ امریکی فوجیوں کے قتل میں ملوث دہشت گرد کو امریکا لایا جارہا ہے، امریکیوں کو یقین دلاتا ہوں، دہشتگرد امریکی نظام انصاف کی تلوار کا سامنا کرے گا۔
بعد ازاں امریکی سیکریٹری دفاع پیٹ ہیگستھ نے بھی داعش کمانڈر کی گرفتاری میں معاونت پر پاکستان کا شکریہ ادا کرتے ہوئے کہا تھا کہ پاکستان نےہمارےساتھ کوآپریٹ کیا اور یہ سب ٹرمپ انتظامیہ کےدورمیں ہی ممکن ہواہے۔
