واشنگٹن: امریکا میں فلسطینیوں کے حق میں احتجاج کے دوران ایک شخص نے خود کو آگ لگا لی۔
خبر رساں ادارے روئٹرز نے واشنگٹن ڈی سی میں فلسطین کے حق میں کیے گئے مظاہرے میں ایک شخص کی تصاویر شائع کی ہیں، جس کے بازو میں آگ لگی ہوئی تھی۔
مظاہرے کے دوران جیسے ہی ایک شخص نے خود سوزی کی کوشش میں اپنے بازو کو آگ لگائی، ساتھ کھڑے دیگر مظاہرین نے روایتی فلسطینی اسکار کیفیہ اور پانی کی بوتلوں کی مدد سے اسے بھجا دیا۔
واشنگٹن پوسٹ نے رپورٹ کیا کہ اس شخص نے، جس کا نام ظاہر نہیں کیا گیا، دعویٰ کیا کہ وہ ایک صحافی ہے اور مشرق وسطیٰ کے بحران کے بارے میں غلط معلومات پھیلانے کا مجرم ہے۔
اسرائیلی طیاروں کی دیر البلح میں مسجد پر بمباری، 24 فلسطینی شہید
غزہ جنگ کو ایک سال مکمل : دنیا بھر میں اسرائیل کیخلاف مظاہرے
امریکی دارالحکومت میں ہونے والی اس ریلی میں تقریباً 1,000 افراد نے شرکت کی، یہ گزشتہ روز دنیا بھر کے کئی شہروں میں نکالی جانے والی ریلیوں میں سے ایک تھی، یہ ریلیاں 7 اکتوبر کو ہونے والے حملوں اور غزہ پر اسرائیل کی جارحیت کا ایک سال مکمل ہونے کے موقع پر نکالی گئی تھیں۔
