site
stats
عالمی خبریں

واشنگٹن : امریکی فوج میں خواجہ سراؤں پر پابندی ختم

واشنگٹن : امریکی فوج نے خواجہ سرا اہلکاروں کو اپنی شناخت کے ساتھ ملازمت کرنے پر عائد پابندی ختم کر دی.

تفصیلات کے مطابق نئی پالیسی کے تحت اب خواجہ سراسروس کے دوران اپنی شناخت ظاہر کر سکیں گے اور ان کے لیے دستیاب طبی سہولیات کا معیار متعین کیا جائے گا.

امریکی سیکرٹری دفاع ایش کارٹر ایش کارٹر نے کہا ہے کہ’یہ ہمارے لوگوں اور ہماری فورس کے لیے ایک صحیح قدم ہے،یہ یقینی بنائے گا کہ کسی کو بھی نکالا نہیں جائے گا اور جنس کی شناخت کی بنیاد پر دوبارہ بھرتی کرنے سے انکار نہیں کیا جائے گا۔‘

سیکرٹری دفاع ایش کارٹر نے نیوز کانفرنس سے خطاب کرتے ہوئے کہا کہ’ہمارا مشن ملک کا دفاع کرنا ہے اور ہم کسی شخص کی فوج میں نوکری کرنے کی قابلیت کے بارے میں غیر متعلقہ رکاؤٹیں نہیں چاہتے،جس میں وہ فوجی،ملاح،ایئر مین یامیرین بھرتی ہو سکتا ہے اور بہترین طریقے سے مشن کو پورا کر سکتا ہے۔‘

ایش کارٹر کے مطابق یہ پالیسی اصولوں کا معاملہ ہے اور اس سے پہلے انہوں نے ملازمت کرنے والے خواجہ سراؤں سے ایک سال تک مشاورت کی اور ان سے بات چیت کی کہ ان کی ضروریات کو کس طرح بہتر انداز میں پورا کیا جا سکتا ہے.

واضح رہے کہ وزیر دفاع کے مطابق پالیسی سے پہلے انہوں نے برطانیہ،اسرائیل اور آسٹریلیا کی پالسیوں کو دیکھا جہاں پر خواجہ سرا اپنی شناخت کے ساتھ ملازمت کر سکتے ہیں.

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top