واشنگٹن: امریکا نے پاکستانی شہریوں کے قتل میں بھارت کے ملوث ہونے کے سوال پر تبصرے سے گریز کیا اور کہا زیربحث الزامات پر کوئی تبصرہ نہیں کرسکتا۔
ترجمان امریکی محکمہ خارجہ میتھیو ملر کی پریس بریفنگ کے دوران اے آر وائی نیوز کے نمائندے نے سوال کیا کہ بھارتی وزیر دفاع کےپاکستان میں ماورائےعدالت قتل کی تصدیق پر کیا امریکا کو تشویش ہے؟
ترجمان امریکی محکمہ خارجہ میتھیوملر نے پاکستانی شہریوں کے قتل میں بھارت کے ملوث ہونے کے سوال پر تبصرے سے گریز کیا اور کہا اس معاملے پرمیڈیا رپورٹس کو فالو کرتے آرہے ہیں، زیربحث الزامات پر کوئی تبصرہ نہیں کرسکتا۔
میتھیو ملر کا کہنا تھا کہ پاک بھارت تناؤ کی صورتحال پرمیڈیا رپورٹس کو دیکھ رہے ہیں ، پاک بھارت کے الزامات کے بیچ میں نہیں آنا چاہتے۔
امریکی ترجمان نے مزید کہا کہپاکستان اوربھارت کی حوصلہ افزائی کرتے ہیں کہ کشیدگی سے گریزکریں اور بات چیت کے ذریعےحل تلاش کریں۔
