واشنگٹن : وائٹ ہاؤس نیشنل سیکیورٹی کونسل کی سینئرڈائریکٹر میرا راپ ہوپر کا کہنا ہے کہ امریکی صدربائیڈن اکیس ستمبرکوکواڈ سمٹ کی میزبانی کریں گے۔
تفصیلات کے مطابق وائٹ ہاؤس نیشنل سیکیورٹی کونسل کی سینئر ڈائریکٹر میرا راپ ہوپرکی نے پریس کانفرنس میں ڈیلاویئرمیں ہونے والے کواڈ سمٹ پر بریفنگ دی۔
میرا راپ ہوپر نے بتایا کہ صدر بائیڈن 21ستمبرکوکواڈ سمٹ کی میزبانی کریں گے ، سمٹ میں بھارتی وزیر اعظم، آسٹریلوی اورجاپانی وزرائےاعظم شرکت کریں گے۔
صحافی نے سوال کیا کیا بائیڈن مودی ملاقات میں سکھ رہنما کےقتل کی سازش پربات ہوگی؟ تو ڈائریکٹر این ایس سی نے اس بارے میں کوئی تبصرہ کرنے سے گریز کیا۔
صحافی نے سوال کیا بائیڈن انتظامیہ نےایسے ہی واقعے پرایران پرپابندیاں عائد کیں، بھارت پر نہیں، کیا وجہ ہے؟ تو میرا ہوپر کا کہنا تھا کہ میرے پاس ایران کے بارے میں آپ کے لیے کہنے کو کچھ نہیں۔
صحافی نے ایک اور سوال کرتے ہوئے کہا کہ پھر بھی کیا اس معاملے پر مودی سے کوئی بات ہوگی؟ تو ڈائریکٹر وائٹ ہاؤس نے بتایا کہ ان معاملات پر بہت ہی اعلیٰ سطح پر بات چیت ہوتی ہے،
انھوں نے بتایا کہ کواڈ لیڈر جب ملتے ہیں تووسیع پیمانےپراسٹریٹجک بات چیت کرتےہیں، اس سمٹ میں جنوبی ایشیا کے بارے میں گہرائی سے بات چیت ہوگی، توقع ہے کہ بنگلا دیش ان بات چیت کے تناظر میں سامنے آئےگا، ۔
