امریکا کے صدر ڈونلڈ ٹرمپ نے نئے جوہری معاہدے پر بات چیت شروع کرنے کے لیے ایران کو دو ماہ کی مہلت دے دی ہے۔
امریکی میڈیا کے مطابق صدر ٹرمپ نے ایرانی قیادت کو نئے سرے سے جوہری معاہدے کے لیے مذاکرات کی پیشکش کی ہے اور بات چیت کے لیے ایران کو دو ماہ کی مہلت دی ہے۔
رپورٹ میں ذرائع کے حوالے سے کہا گیا ہے امریکی صدر کی جانب سے بھیجے گئے خط میں جوہری معاہرے پر مذاکرات کے لیے دو ماہ کی مہلت کے ساتھ یہ بھی دھمکی دی ہے کہ اگر اس نے اپنا جوہری پروگرام جاری رکھا تو نتائج بھگتنا پڑیں گے۔
واضح رہے کہ گزشتہ ہفتہ امریکی صدر ڈونلڈ ٹرمپ نے ایران کے سپریم لیڈر آیت اللہ خامنہ ای کو جوہری معاہدے پر نئے مذاکرات شروع کرنے کے لیے خط بھیجا تھا۔
اماراتی صدر کے مشیر قرقاش نے تہران میں ایرانی وزیرِ خارجہ عباس اراقچی سے ملاقات کی اور صدر ٹرمپ کا خط ان کے حوالے کیا تھا۔
اس خط کے بعد جہاں ایرانی صدر مسعود پزشکیان نے امریکا کو دوٹوک جواب دیتے ہوئے کہا تھا کہ دباؤ میں مذاکرات نہیں کریں گے، وہیں سپریم لیڈر خامنہ ای نے بھی کہا تھا کہ ایران اگر ایٹمی ہتھیار بنانا چاہے تو کوئی اس کو روک نہیں سکے گا، لیکن ہم ایسا نہیں چاہتے۔
ایٹمی ہتھیار بنانا چاہیں تو امریکا ہمیں روک نہیں سکے گا، ایرانی سپریم لیڈر
