The news is by your side.

Advertisement

امریکی صدر جوبائیڈن کے دورہ سعودی عرب کا اعلان

امریکی صدر جوبائیڈن کے آئندہ ماہ دورہ سعودی عرب کا اعلان کر دیا گیا۔

سعودی پریس ایجنسی کے مطابق امریکی صدر جو بائیڈن شاہ سلمان کی دعوت پر 15 اور 16 جولائی کو سعودی عرب کا دورہ کریں گے۔

امریکی صدر بادشاہ اور ان کے ولی عہد شہزادہ محمد بن سلمان سے ملاقات کریں گے جس میں دو طرفہ تعاون کے شعبوں کے ساتھ ساتھ علاقائی اور عالمی چیلنجوں سے نمٹنے کے لیے مشترکہ کوششوں پر بات چیت کریں گے۔

وائٹ ہاؤس کے مطابق جوبائیڈن مملکت میں رہتے ہوئے خلیج تعاون کونسل کے علاوہ مصر، عراق اور اردن کے سربراہی اجلاس میں بھی شرکت کریں گے۔

بیان میں وائٹ ہاؤس کا کہنا ہے کہ صدر جوبائیڈن شاہ سلمان کی قیادت اور ان کی دعوت کو سراہتے ہیں وہ سعودی عرب کے اس اہم دورے کے منتظر ہیں جو تقریباً آٹھ دہائیوں سے امریکا کا اسٹریٹجک پارٹنر رہا ہے۔

وائٹ ہاؤس نے مزید کہا کہ امریکی صدر دوطرفہ، علاقائی اور عالمی امور پر بات چیت کریں گے ان میں یمن میں اقوام متحدہ کی ثالثی میں ہونے والی جنگ بندی کی حمایت بھی شامل ہے جس کی وجہ سے سات سال قبل جنگ شروع ہونے کے بعد سے سب سے زیادہ پرامن دور رہا ہے۔

Comments

یہ بھی پڑھیں