The news is by your side.

Advertisement

طالبان سے معاہدہ، امریکا کی یو این سے حمایت کی درخواست

امریکا طالبان معاہدے کے تحت 5 ہزار قیدیوں کی رہائی کے میکنزم پر اتفاق

واشنگٹن: امریکا نے یو این سیکورٹی کونسل سے طالبان معاہدے کی حمایت کی درخواست کر دی ہے۔

تفصیلات کے مطابق امریکا نے اقوام متحدہ کی سلامتی کونسل سے درخواست کی ہے کہ وہ طالبان کے ساتھ ہونے والے حالیہ اہم امریکی معاہدے کی حمایت کرے۔

امریکا کا کہنا تھا کہ معاہدے کی توثیق کے لیے آج سیکورٹی کونسل اجلاس میں ووٹنگ کی جائے۔

خیال رہے کہ امریکا طالبان معاہدے کے تحت 5 ہزار قیدیوں کی رہائی کے میکنزم پر اتفاق کیا جا چکا ہے، طالبان کی رہائی سے متعلق کوئی حکم نامہ آج جاری ہونے کا امکان ہے، غیر ملکی میڈیا کا کہنا ہے کہ معاہدے کے مطابق 10 مارچ کو طالبان قیدیوں کی رہائی ہونی ہے، طالبان کو بھی ایک ہزار قیدی رہا کرنے ہیں، قیدیوں کی رہائی کے بعد معاہدے کی دوسری شق پر عمل ہوگا۔

افغان امن مذاکرات کامیاب، طالبان کے سربراہ نے پاکستان کا شکریہ ادا کردیا

ادھر آج افغانستان سے امریکی فوجیوں کا جزوی انخلا شروع ہو گیا ہے، افغانستان میں امریکی افواج کے ترجمان کرنل سونی لیگیٹ نے بیان جاری کرتے ہوئے کہا ہے کہ معاہدے کے تحت امریکی افواج کی تعداد میں مشروط کمی کر رہے ہیں، ابتدائی طور پر امریکی افواج کی تعداد گھٹا کر 8600 کی جائے گی۔

خبر ایجنسی کے مطابق افغانستان میں 12 سے 13 ہزار امریکی فوجی تعینات ہیں، 29 فروری کو دوحہ میں طالبان اور امریکا میں معاہدے پر دستخط ہوئے، معاہدے کی رو سے امریکا 135 روز میں تقریباً 5 ہزار فوجی نکالے گا، دوسرے مرحلے میں امریکا افغانستان سے تمام افواج کا مشروط انخلا کرے گا، تمام امریکی افواج کا انخلا طالبان کی معاہدے کی پاس داری کی شرط سے مشروط ہے۔

fb-share-icon0
Tweet 20

Comments

comments

یہ بھی پڑھیں