ماسکو : روسی صدر ولادی میر پیوٹن نے کہا ہے کہ امریکا اور روس کے تعلقات میں بہتری کا کریڈٹ ڈونلڈ ٹرمپ کو جاتا ہے۔
بیلا روس کے دارالحکومت منسک میں ایک پریس کانفرنس کے دوران روسی صدر پیوٹن نے کہا کہ امریکا اور روس کے درمیان تعلقات مستحکم ہورہے ہیں۔
انہوں نے کہا کہ تعلقات میں بہتری کا کریڈٹ امریکی صدر ڈونلڈ ٹرمپ کو جاتا ہے، ڈونلڈ ٹرمپ کا بہت احترام کرتا ہوں، ان سے ملاقات کی خواہش ہے۔
ولادی میر پیوٹن نے کہا کہ صدرٹرمپ سے ملاقات کی انتہائی محتاط انداز سے تیاری کرنا ہوگی، روس اورامریکا کے تعلقات کچھ حد تک بہتر ہونا شروع ہوئے ہیں۔
روسی صدر کا مزید کہنا تھا کہ امریکا کے ساتھ سفارتی تعلقات کے معاملات فی الحال طے نہیں ہوئے، امریکا کے ساتھ سفارتی تعلقات کا پہلا قدم اٹھ چکا ہے اب ہم آگے کی جانب بڑھ رہے ہیں۔
