امریکا کا کہنا ہے کہ روس یوکرین میں نہیں جیت سکتا اور ماسکو کو طویل جنگ آگے نظر آرہی ہے۔
امریکا کے اعلیٰ ترین فوجی افسران نے کہا ہے کہ روس یوکرین میں فوجی فتح حاصل نہیں کر پائے گا اور کیف کی افواج مستقبل قریب میں اپنی سرزمین سے تمام روسی فوجیوں کو پیچھے ہٹانے کا امکان نہیں۔
امریکی جوائنٹ چیفس آف اسٹاف کے چیئرمین جنرل مارک ملی نے کہا کہ یہ جنگ، فوجی طور پر، روس جیتنے والا نہیں اور یہ بالکل نہیں ہو گا۔
جنرل مارک ملی نے درجنوں ممالک کے ایک ورچوئل میٹنگ کے اختتام پر صحافیوں سے گفتگو کی جو یوکرین کے دفاعی رابطہ گروپ کے رکن ہیں جسے رامسٹین کے نام سے بھی جانا جاتا ہے۔
ان کا کہنا تھا کہ روس کے اصل اسٹریٹیجک مقاصد حکومت کا تختہ الٹنا ہے جو فوجی طور پر حاصل نہیں کیا جا سکتا، لڑائی جاری رہے گی یہ خونی ہونے والی ہے اور مزید مشکل ہو گی، کسی وقت، دونوں فریق یا تو کسی تصفیے پر بات چیت کریں گے یا وہ کسی فوجی نتیجے پر پہنچ جائیں گے۔
