تل ابیب: مشرق وسطیٰ میں بڑھتی ہوئی کشیدگی کے دوران امریکی وزیر خارجہ انٹونی بلنکن کا کہنا ہے کہ اسرائیل ایران کو اس طرح جواب دیکہ خطے میں زیادہ کشیدگی نہ ہو۔
بین الاقوامی خبر رساں ادارے کی رپورٹ کے مطابق امریکی وزیر خارجہ انٹونی بلنکن ان دنوں مشرق وسطیٰ کے دورے پر ہیں اور اسرائیل سے سعودی عرب روانگی سے قبل میڈیا سے بات کرتے ہوئے اُن کا کہنا تھا کہ وقت آگیاہے کہ کامیابیوں کوپائیداراسٹریٹجک کامیابی میں بدل دیاجائے۔
امریکی وزیر خارجہ کا اسرائیل حماس جنگ کے حوالے سے بات کرتے ہوئے کہنا تھا کہ اب ہمیں یرغمالیوں کی واپسی، جنگ کے خاتمے اور اس کے بعدکی پلاننگ پر توجہ مرکوز کرنی چاہیے۔
امریکی وزیر خارجہ کا اسرائیل کے ایران پر حملے کے حوالے سے سوال کا جواب دیتے ہوئے کہنا تھا اسرائیل ایران کو اس طرح جواب دیکہ خطے میں زیادہ کشیدگی نہ پھیلے۔
دوسری جانب ایران کا کہنا ہے کہ امریکی صدر جو بائیڈن کی برلن میں ایران پر حملے کے اسرائیلی پلان پر بات چیت اشتعال انگیز ہے۔
رپورٹ کے مطابق اقوام متحدہ میں ایرانی مشن نے سلامتی کونسل کو خط میں کہا کہ امریکی صدر کے ریمارکس اسرائیل کی فوجی جارحیت کی منظوری اور حمایت کی کھلم کھلا نشاندہی کررہے ہیں۔
ایرانی مشن کا اپنے خط میں کہنا تھا کہ امریکا علاقائی اور بین الاقوامی امن اور سلامتی پر تباہ کن نتائج کا ذمہ دار ہوگا۔
اسرائیلی فضائیہ کا لبنان کے رفیق حریری اسپتال پر حملہ، 13 شہید
خط میں مزید کہا گیا ہے کہ امریکا ایران کے خلاف اسرائیلی جارجیت اور اشتعال دلانے کا براہ راست ذمہ دار ہے، امریکا ایران کے خلاف اسرائیل جارحیت کو بھڑکانے اور اسے فعال کرنے میں اپنے کردار کا ذمہ دار ہوگا۔
