تازہ ترین

حکومت نے غیر قانونی طور پر مقیم افراد کو پاکستان چھوڑنے کی مہلت دے دی

اسلام آباد: نگراں وفاقی حکومت نے غیر قانونی طور...

پاکستان میں غیرقانونی طور پر مقیم غیرملکیوں کو ملک بدر کرنے کا حتمی فیصلہ

اسلام آباد : پاکستان میں غیرقانونی طور پر مقیم...

عالمی بینک نے بھی پاکستان سے کئی مطالبات کر دیے، رپورٹ جاری

اسلام آباد: عالمی بینک نے پاکستان ڈیولپمنٹ اپ ڈیٹ...

نوید اشرف پاک بحریہ کے نئے سربراہ مقرر

اسلام آباد : نوید اشرف کو پاک بحریہ کا...

افغانستان کی موجودہ صورتحال میں پاکستان کا کردار بہت اہم ہے: امریکی سینیٹر

واشنگٹن: امریکی سینیٹر کرس وین ہولن کا کہنا ہے کہ افغانستان کی موجودہ صورتحال میں پاکستان کا کردار بہت اہم ہے، امریکی اعلیٰ حکام کا پاکستانی ہم منصب سے مکمل رابطہ ہے۔

تفصیلات کے مطابق امریکی ڈیمو کریٹ سینیٹر کرس وین ہولن نے تقریب سے خطاب کرتے ہوئے کہا کہ پاکستان انتہائی اہم ملک ہے، افغانستان کی موجودہ صورتحال میں پاکستان کا کردار بہت اہم ہے۔

سینیٹر کا کہنا تھا کہ صدر بائیڈن کے لیے ضروری ہے کہ وہ وزیر اعظم پاکستان سے رابطہ کریں، بائیڈن انتظامیہ بشمول سیکریٹری آف اسٹیٹ اور دیگر سے بات کی ہے، دونوں سربراہان میں براہ راست رابطے کی ضرورت پر زور دیا ہے۔

انہوں نے کہا کہ کابینہ کی اعلیٰ شخصیات نے یقین دلایا کہ براہ راست رابطے میں کوئی رکاوٹ نہیں، امریکی اعلیٰ حکام کا پاکستانی ہم منصب سے مکمل رابطہ ہے۔

امریکی سینیٹر کا کہنا تھا کہ عالمی برادری کو طالبان پر دباؤ ڈالنے کی ضرورت ہے، طالبان خواتین اور اقلیتی برادری کے حقوق کی پاسداری کریں۔ طالبان افغان حکومت میں ہر مکتبہ فکر اور گروپوں کو نمائندگی دیں۔ طالبان یقینی بنائیں افغان سرزمین آئندہ 11 ستمبر جیسی دہشت گردی کے لیے استعمال نہ ہو۔

انہوں نے مزید کہا کہ پاکستان اور افغانستان میں ڈیوٹی فری ٹریڈ زون کے لیے پیش کردہ بل پر کام کر رہے ہیں۔

Comments

- Advertisement -