واشنگٹن : امریکی سینیٹر جیکی روسن نے پاکستان میں بڑھتے ہوئے سیاسی تشدد پر تشویش کا اظہار کرتے ہوئے تمام جماعتوں سے اختلافات پر امن طریقے سے دور کرنے کا مطالبہ کردیا۔

تفصیلات کے مطابق امریکی سینیٹر جیکی روسن نے سماجی رابطے کی ویب سائٹ ٹوئٹر پر اپنے بیان میں کہا ہے کہ پاکستان میں بڑھتے ہوئے سیاسی تشدد پر تشویش ہے۔

امریکی سینیٹر نے تمام جماعتوں سے اختلافات پر امن طریقے سے دور کرنے کا مطالبہ کرتے ہوئے کہا کہ قانون کی حکمرانی اورجمہوریت کی پاسداری کی جائے۔

I’m concerned about rising political violence in Pakistan & call on all parties to resolve differences peacefully & adhere to the rule of law & democracy. My thoughts are with the Pakistani people, especially as they recover from the humanitarian crisis caused by recent flooding.

— Senator Jacky Rosen (@SenJackyRosen) March 22, 2023

یاد رہے امریکی رکن کانگریس ایرک سوالویل نے پاکستان کی موجودہ صورتحال پر اپنے پیغام میں کہا تھا پاک امریکا تعلقات علاقائی استحکام اور سلامتی کے لیے اہم ہیں۔

ایرک سوالویل کا کہنا تھا کہ حکومت کی عمران خان کو سیاسی اختلا ف پر دھمکانا اورگرفتاری کی کوشش اور ان کے حامیوں پر تشدد نا قابل قبول ہیں۔