تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

کشمیریوں کے حقوق کا احترام یقینی بنایا جائے: رالزبتھ ویرن

واشنگٹن: امریکا میں ڈیموکریٹک پارٹی کی سینٹر اور دوسری صدارتی امیدوار الزبتھ ویرن نے مقبوضہ کشمیر کی صورتحال پر شدید تشویش کا اظہار کیا ہے۔

اپنے ایک بیان میں الزبتھ ویرن نے مقبوضہ کشمیر میں عائد پابندیوں اور مواصلاتی نظام کی معطلی پر شدید تشویش کا اظہار کرتے ہوئے بھارت پر زوردیا ہے کہ وہ کشمیریوں کے حقوق کا احترام کرے۔

انہوں نے کہا کہ امریکا اور بھارت کے درمیان تعلقات کی بنیاد مشترکہ جمہوری اقدار پر ہے اور مجھے مقبوضہ کشمیر میں مواصلاتی نظام کی مسلسل معطلی اور دیگر پابندیوں پر شدید تشویش ہے۔

صدراتی امیدوار کا کہنا تھا کہ کشمیریوں کے حقوق کا احترام کیا جانا چاہیے۔ ان کا یہ بیان ان کے ساتھی سینٹر اور صدارتی امیدوار برنی سینڈرز کے اسی طرح کے بیان کے ایک ماہ بعد سامنے آیا ہے۔

بھارتی حکومت نے امریکی سینیٹر کو مقبوضہ کشمیر جانے سے روک دیا

برنی سینڈرز نے یکم ستمبر کو شمالی امریکا کے شہر ہیوسٹن میں اسلامک سوسائٹی کے سالانہ کنونش سے خطاب کرتے ہوئے مقبوضہ کشمیر کی صورتحال پر انتہائی تشویش کا اظہار کرتے ہوئے امریکی حکومت پر زور دیا تھا کہ وہ اقوام متحدہ کی سلامتی کونسل کی قراردادوں کے مطابق تنازعہ کشمیر کے پرامن حل کی حمایت کرے۔

انہوں نے یہ بھی کہا تھا کہ مقبوضہ کشمیر میں بھارتی اقدامات ناقابل قبول ہیں۔

Comments

- Advertisement -