واشنگٹن : امریکا نے کہا ہے کہ پاکستان میں اب بھی دہشتگردوں کے بعض گروپ سرگرم ہیں، پاکستان کو دہشتگردوں کے خلاف اضافی اقدامات کرنا ہوں گے، پاکستان اور بھارت کے درمیان تناؤ کا خاتمہ چاہتے ہیں
امریکی محمکہ خارجہ کے ترجمان مارک ٹونر نے پریس بریفنگ دیتے ہوئے کہا کہ امریکا پاکستان اور بھارت میں بہتر تعلقات کا خواہاں ہے، دونوں ممالک کے درمیان بہتر تعلقات خطے اور عالمی مفاد میں ہے۔
مارک ٹونر نے کہا کہ مزاکرات کی بحالی سے دونوں ممالک کے درمیان کشیدگی کم ہوگی جبکہ تعلقات میں بہتری آئے گی، امریکا پاک بھارت مزاکرات کی حوصلہ افزائی کرے گا۔
مارک ٹونر کا کہنا ہے کہ پاکستان میں بعض دہشت گرد گروہ سرگرم ہیں جبکہ حقانی نیٹ ورک بھی تاحال موجود ہے، جو خطے میں دہشت گردی کا باعث ہیں اور امریکا کوبھی ان سے خطرات لاحق ہیں ، چاہتے ہیں کہ پاکستان ان کے خلاف مزید اقدامات کرے۔
