واشنگٹن: ترجمان امریکی محکمہ خارجہ میتھیوملر کا کہنا ہے کہ جمہوری اقدارکا نفاذ،آزادی اظہار رائےاورقانون کااطلاق سب پرہونا چاہیے۔
تفصیلات کے مطابق ایک پریس بریفنگ میں ترجمان امریکی محکمہ خارجہ نے کہا کہ پہلےبھی کہہ چکے کہ پاکستان میں جاری صورتحال کو مانیٹرکررہےہیں، کسی ایک سیاسی امیدواریا جماعت پرکوئی پوزیشن نہیں، جمہوری اقدارکا نفاذ،آزادی اظہاررائےاورقانون کااطلاق سب پرہوناچاہیے۔
میتھیوملر نے کہا کہ پاکستانی تیل وگیس کی تنصیبات پردہشت گرد حملوں پرافسوس ہے، حملےکی ذمہ داری ابھی تک کسی نےقبول نہیں کی،رپورٹس ہیں کہ چار سرکاری اہلکاراوردو شہری جاں بحق ہوئے، جاں بحق ہونےوالوں کےخاندان سےتعزیت اور زخمی ہونےوالوں کی جلد صحتیابی کی پرامید ہے۔
واضح رہے کہ آج ہنگو میں مول کمپنی پلانٹ پر دہشت گردوں کے حملے میں فرنٹیئر کانسٹیبلری کے چار اہل کار اور دو نجی سیکیورٹی گارڈ شہید ہوئے تھے۔
ڈی ایس پی ٹل عرفان کے مطابق تحصیل ٹل علاقہ منجی خیل میں مول گیس کمپنی پلانٹ پر علی الصبح دہشت گردوں نے حملہ کیا جس کے نتیجے میں چھ اہلکار شہید ہوئے تھے۔
