واشنگٹن: ایرانی پولیس کی جانب سے خواتین اور بچیوں کو زبردستی حجاب پہنانے پر امریکا نے ایران پر تنقید کی ہے۔
تفصیلات کے مطابق ترجمان امریکی محکمہ خارجہ میتھیو ملر نے پریس بریفنگ میں کہا کہ امریکا کو ایرانی پولیس کی رپورٹس پر تشویش ہے، انھوں نے کہا حجاب پہننے کے لیے زبردستی پابند کیا جا رہا ہے۔
ترجمان کا کہنا ہے کہ لگتا ہے ایرانی حکومت نے حالیہ احتجاج سے کچھ نہیں سیکھا، خواتین اور بچیوں کو مرضی سے حجاب پہننے کی اجازت ہونی چاہیے۔
ترجمان امریکی محکمہ خارجہ نے افغانستان کے حوالے سے کہا کہ طالبان کی ذمے داری ہے کہ وہ اپنے ملک کو دہشت گردوں کی پناہ گاہ نہ بننے دیں۔
