The news is by your side.

Advertisement

چین کے خلاف امریکہ کی تجارتی جنگ اقتصادی دہشت گردی ہے، ایران

چین امریکا تجارتی جنگ سے عالمی سطح پر غربت بڑھے گی اور دنیا میں معیار زندگی بھی گھٹ جائے گا، ،ترجمان ایرانی وزارت خارجہ

تہران : ایران نے چین کے خلاف امریکہ کی تجارتی جنگ کی مذمت کرتے ہوئے اسے ایک قسم کی اقتصادی دہشت گردی قرار دیا ہے۔

غیر ملکی خبر رساں ادارے کے مطابق ایران کی وزارت خارجہ کے ترجمان سید عباس موسوی نے پیر کے صحافیوں سے گفتگو کرتے ہوئے کہا ہےکہ چین اور امریکہ کے درمیان موجودہ تجارتی جنگ، دونوں ملکوں کے دو طرفہ تعلقات کی سطح سے بھی اوپر پہنچ سکتی ہے۔

انہوں نے کہا کہ اعداد و شمار اور تجزیوں سے پتہ چلتا ہے کہ دونوں ملکوں کے درمیان تجارتی جنگ سے آئندہ دو برسوں میں دنیا کی ناخالص اندرونی پیداوار، چھ ارب ڈالر مالیت تک کم ہو سکتی ہے جس کے نتیجے میں عالمی سطح پر غربت بڑھے گی اور دنیا میں معیار زندگی بھی گھٹ جائے گا۔

مزید پڑھیں : امریکی جنگی جہاز ایرانی میزائلوں کے نشانے پر ہیں: ایران کا دعویٰ

ایران کی وزارت خارجہ کے ترجمان نے بین الاقوامی معاہدوں سے باہر نکلنے کے نتیجے میں کشیدگی و بحران میں اضافہ کرنے والے امریکی رویے کی طرف اشارہ کرتے ہوئے کہا کہ دیگر ملکوں کو نقصان پہنچا کر ماضی کا اپنا مقام بچانے کی امریکی کوشش کامیاب نہیں ہو سکتی۔

Comments

comments

یہ بھی پڑھیں