امریکی فوج اپنے متعدد پالتو کتوں کو کابل ایئرپورٹ پر چھوڑ کر چلتے بنے۔
غیرملکی خبررساں ادارے کی رپورٹ کے مطابق امریکی فوج نے افغانستان کے دارالحکومت کابل کے ایئرپورٹ سے انخلا مکمل کیا اور 20 سال سے جاری طویل جنگ کا خاتمہ ہوگیا۔
امریکی فوج نے کابل ایئرپورٹ پر موجود ہیلی کاپٹرز اور دیگر فوجی سازو سامان کو ناکارہ کیا تاکہ وہ طالبان کے لیے قابل استعمال نہ رہیں۔
امریکی فوج سازو سامان کے علاوہ فوجی کتے بھی کابل ایئرپورٹ پر چھوڑ گئی ہے جس پر اسے جانوروں کے حقوق کی تنظیموں کی جانب سے شدید تنقید کا سامنا ہے۔
امریکا میں جانوروں کے حقوق کیلئے کام کرنے والی تنظیموں نے امریکی حکومت پر الزام عائد کیا کہ انخلا کے دوران فوج کتوں کو دشمنوں کے ہاتھوں مرنے کیلئے کابل چھوڑ آئی ہے۔
کابل ایئرپورٹ امریکی فوجی کتوں کی پنجروں میں بند تصاویر بھی سوشل میڈیا پر وائرل ہورہی ہیں۔
