امریکا کی کئی جامعات میں طلبا غزہ کے مظلوموں کیلئے سڑکوں پر نکل آئے، مظاہرین نے امریکا کی جانب سے اسرائیل کو اسلحے کی فراہمی فوری بند کرنے کا مطالبہ کردیا۔
غیر ملکی ذرائع ابلاغ کے مطابق مظاہرین نے پر زور مطالبہ کیا کہ امریکا اسرائیل کو اسلحے کی فراہمی فوری بند کرے، ٹیکساس یونیورسٹی آسٹن کے طلباء کے احتجاج کے دوران پولیس کی بھاری نفری پہنچ گئی۔
اس دوران پولیس نے 3 مظاہرین کو گرفتار کرلیا جبکہ یونیورسٹی احاطے میں سخت کشیدگی پھیل گئی، ہر جانب فلسطین کی آزادی کے نعرے گونج اُٹھے۔
یونیورسٹی آف سدرن کیلیفورنیا میں بھی طلباء کی جانب سے فلسطینیوں کی حمایت میں احتجاجی مظاہرہ کیا گیا۔
امریکا نے اسرائیلی اقدام کی مذمت کر دی
لاس اینجلس میں طلباء نے یونیورسٹی میں خیمے لگا کر دھرنا دے دیا، فلسطین کی آزادی کے نعرے، اس دوران طلباء اور پولیس کے درمیان جھڑپیں بھی ہوئی، جبکہ ایک نوجوان کو حراست میں لے لیا گیا۔
